"რელიგიური გრძნობების შეურაცხყოფის კრიმინალიზაცია, ან რაიმე სახით მისი დასჯის დაკანონება, საფრთხეს შეუქმნის სიტყვისა და გამოხატვის თავისუფლებას, რომლითაც ჩვენ ყველანი ვსარგებლობთ, პრობლემატურს გახდის პლურალიზმსა და უმნიშვნელოვანეს საკითხებზე ფართო დისკუსიის შესაძლებლობას", - ასე შეაფასა რელიგიათ საბჭომ რელიგიური გრძნობების შეურაცხყოფის შესახებ კანონპროექტი.

განცხადებაში ნათქვამია, რომ რელიგიური შეუწყნარებლობის გამოხატვას საგანმანათლებლო საქმიანობა და სამოძღვრო მზრუნველობა უნდა დაუპირისპირდეს, რადგან რეპრესიული გზებით პრობლემის გადაჭრის მცდელობა აგრესიას უფრო მასშტაბურს გახდის.

"ყოველივე აქედან გამომდინარე, მივმართავთ საქართველოს პარლამენტს, რათა არ დაუშვას რელიგიური გრძნობების შეურაცხყოფისთვის სანქციების დაწესება და კითხვის ქვეშ არ დააყენოს ჩვენი ქვეყნის დემოკრატიული და პლურალისტური განვითარება", - აცხადებს რელიგიური საბჭო.

განცხადებას ხელს აწერენ სახალხო დამცველთან არსებული რელიგიათა საბჭოს წევრი რელიგიური გაერთიანებები:

  • ლათინ კათოლიკეთა კავკასიის სამოციქულო ადმინისტრაცია
  • სომეხთა კათოლიკე ეკლესია
  • ევანგელურ-ლუთერული ეკლესია
  • ევანგელურ-ბაპტისტური ეკლესია
  • სახარების რწმენის ეკლესია
  • სომეხთა სამოციქულო წმინდა მართლმადიდებელი ეკლესიის საქართველოს ეპარქია
  • ეზიდთა სასულიერო საბჭო
  • საქართველოს ევანგელურ-პროტესტანტული ეკლესია
  • ევანგელური ეკლესია “სიცოცხლის სიტყვა”
  • წმინდა სამების პროტესტანტული ეკლესია
  • დახსნილ ქრისტიანთა საღვთო ეკლესია
  • ქართველ მუსლიმთა კავშირი
  • სრულიად საქართველოს მუსლიმთა უმაღლესი სასულიერო სამმართველო
  • ამიერკავკასიის მუსლიმთა სამმართველო
  • ხსნის არმია
  • საქართველოს კრიშნას ცნობიერების საერთაშორისო საზოგადოება
  • მეგობართა საზოგადოება - კვაკერები
  • სვედენბორგიანული საზოგადოება საქართველოში

2018 წლის 26 მარტს, საქართველოს პარლამენტს წარედგინა კანონპროექტი, რომლის თანახმად სისხლის სამართლის დანაშაულად უნდა გამოცხადდესრელიგიური გრძნობების შეურაცხყოფა". პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის წევრებმა საკანონმდებლო ინიციატივას, პრინციპების დონეზე, მხარი დაუჭირეს.