პატრიოტთა ალიანსის წევრი, ემზარ კვიციანი ამბობს, რომ რელიგიური გრძნობების შეურაცხყოფისთვის სანქციების მიღებას, საერთაშორისო ორგანიზაციები, ჟურნალისტებისა და არასამთავრობოების მეშვეობით უშლიან ხელს.

"როგორც რუსეთი აკეთებდა ყოველთვის, იგივეს აკეთებენ ახლა საერთაშორისო ორგანიზაციები, რომ ჩვენ ჩვენი კანონები არ მივიღოთ და არ მიგვაღებინონ. ერთმანეთში ურევენ სიტყვის გამოხატვის თავისუფლებას და შეურაცხყოფას და ცილისწამებას. რატომ ხდება ეს? იმიტომ რომ გვმართონ, როგორც მათ უნდათ, ისე. ცეცხლი გადმოდის მხოლოდ და მხოლოდ პატრიარქზე, ეს არის ერთადერთი ნიშანი, რომელსაც ვერაფერი ამოხსნა ვერ უპოვეს ჩვენმა მტრებმა".

კვიციანი მოითხოვს, რომ რელიგიური გრძნობების შეურაცხყოფა დასჯადი გახდეს. ის ფიქრობს, რომ სანქცია არ უნდა შეეხოს სასულიერო პირს, რომელიც სხვა რელიგიურ გრძნობებს ამბიონიდან ქადაგების დროს შეურაცხყოფს.

ამავე თემაზე: