"რუსთავი 2-ის თემა ჩვენი ქვეყნის იმიჯსაც უკავშირდება და მე დარწმუნებული ვარ, უზენაესი სასამართლოს გადაწყვეტილება იქნება ისეთი, რომ არ დაბადებს კითხვის ნიშნებს" - ამის შესახებ საქართველოს პრეზიდენტმა გიორგი მარგველაშვილმა ბრიფინგზე განაცხადა.

მარგველაშვილი აღნიშნავს, რომ რუსთავი 2-ის თემა აქტუალურია და განიხილება საარჩევნო კამპანიისა და არჩევნების კონტექსტში. მისივე თქმით, ამ საქმეზე ბევრს საუბრობენ და ბევრ კითხვას სვამენ ევროპის დედაქალაქებში:

"კიდევ ერთხელ მინდა გავახსენო სზოგადოებას რომ კითხვის ნიშნები იმასთან დაკავშირებით თუ რა კომენტარებს აფიქსირებენ პოლიტიკოსები ამ საქმესთან დაკავშირებით, არაერთი მოგვისმენია ევროპის ნებისმიერ დედაქალაქში. მე არ გავაკეთებ კომენტარს საქმეზე, რადგან ეს არის ჩემი კონსტიტუციური ვალდებულება, მაგრამ იმას დაგიდასტურებთ რომ ამ საკითხზე კითხვას ყველა დედაქალაქში სვამენ. უზენაესი სასამართლოს გადაწყვეტილება იმედი მაქვს რომ მოხსნის კითხვის ნიშნებს".