თბილისის სასულიერო სემინარიიის სტუდენტები კომპანია აიისას პროდუქციისადმი პროტესტის გამოხატვის მიზნით, საქართველოს პარლამენტთან მდუმარე აქციას მართავენ.

ფოტო: ანა ვახტანგაძე / On.ge

აქციის მონაწილეების პოზიციით, კომპანია აიისა ქართველი ერისა და ქრისტიანული საზოგადოების ეროვნული და რელიგიური გრძნობების შეურაცხმყოფელ საქმიანობას ეწევა.

"ჩვენ ვაპროტესტებთ მათ მიერ წარმოებულ პრეზერვატივებზე წმინდანებისა და წმინდა დღესასწაულების გამოსახვას, ასევე დღესასწაულებთან დაკავშირებული ბილწი ხუმრობებისა და სადღესასწაულო ქრისტიანული სიმბოლოების პრეზერვატივის შეფუთვაზე დატანას", -აცხადებენ აქციის ორგანიზატორები.

აქციას შემოუერთდნენ ნეონაცისტური მოძრაობის ქართული მარშის წევრები, მათ შორის პრეზიდენტობის კანდიდატი სანდრო ბრეგაძე.

ფოტო: ანა ვახტანგაძე / On.ge

"ჩვენ ვაპროტესტებს რელიგიური სიწმინდეების შეურაცხყოფას. ჩვენ გამოვდივართ ყოველგვარი რელიგიის შეურაცხყოფის წინააღმდეგ, რომელი არ უნდა იყოს ის", - განუცხადა On.ge-ს სანდრო ბრეგაძემ.

აქციის ორგანიზატორი სტუდენტები ნეონაცისტური მოძრაობის წევრებთან მივიდნენ და უთხრეს, რომ აქცია მათი ორგანიზებულია და არ სურთ ქართულ მარშთან ასოცირდებოდნენ.

ქართული მარშის აქტივისტები სტუდენტების ჯგუფს გამოეყვნენ და სხვა ტერიტორიაზე გადავიდნენ.

აიისა პრეზერვატივების კონცეპტუალური ბრენდი და 2017 წლის სადებიუტო ტოპ სტარტაპია.