Showtime-ის დრამის შემდეგი სეზონი, როგორც ჩანს, ბოლო იქნება. ჰოუმლენდი მერვე სეზონით დასრულდება.

ინფორმაციას კერი მეტისონის როლის შემსრულებელი, კლერ დეინსი ადასტურებს ინტერვიუში, რომელიც მან ჰოვარდ სტერნს მისცა.

სტერნმა საუბრისას თქვა, რომ გავრცელებული ხმებით, სი-აი-ეის დრამის მომავალი სეზონი ბოლო იქნებოდა. "კი, ასეა", - მიუგო კლერმა.

მოგვიანებით, არხის წარმომადგენელმა განაცხადა, რომ შოუთაიმსს მერვე სეზონის შემდეგ, სერიალის გადაღებების გაგრძელებაზე გეგმები არ აქვს.

ამ დროისთვის, არხზე სერიალის მეშვიდე სეზონი გადის, რომლის ფინალიც კვირას, 29 აპრილს გავა.

სტერნთან დეინსის ინტერვიუს შეგიძლიათ აქ მოუსმინოთ.