შსს-ს განცხადებით, ევროპოლთან თანამშრომლობის შედეგად, საფრანგეთსა და საბერძნეთში 4 ქართველი ე.წ. კანონიერი ქურდი და ქართული კრიმინალური დაჯგუფების წევრობის ბრალდებით 34 პირია დაკავებული.

უწყების ცნობით, მიმდინარე წლის 16-17 აპრილს, საფრანგეთსა და საბერძნეთში ჩატარებული სპეცოპერაციის სახელად - Caucase Normandie შედეგად, დაკავებულია ოთხი ქართველი ე.წ. კანონიერი ქურდი, ესენია:

  • საბერძნეთის ქალაქ სალონიკში - ე.წ. კანონიერი ქურდი, 1961 წელს დაბადებული ლაშა შუშანაშვილი, მეტსახელად ლაშა რუსთავსკი;
  • საფრანგეთის ქალაქ მონტობანში - ე.წ. კანონიერი ქურდი, 1974 წელს დაბადებული ალექსანდრე კობალაძე, იგივე რამაზ ღუღუნიშვილი, მეტსახელად სიუ;
  • საბერძნეთის ქალაქ ათენში - ე.წ. კანონიერი ქურდები: 1989 წელს დაბადებული ნოდარ შუკაკიძე, მეტსახელად ნოდო გლდანსკი
  • 1962 წელს დაბადებული მერაბ ასანიძე, მეტსახელად ჩიკორა.

შსს-ს ცნობით, გამოძიება მიმდინარეობს საბერძნეთის და საფრანგეთის სისხლის სამართლის კოდექსების შესაბამისი მუხლებით.