16 მარტს ამერიკელ სტუდენტს ოტო ვარმბაიერს ჩრდილოეთ კორეის სასამართლომ 15 წლით მძიმე შრომა მიუსაჯა.

ვარმბაიერი ჩრდილო კორეას ტურისტის სტატუსით სტუმრობდა. 2 იანვარს სტუდენტი სასტუმროს კედლიდან პროპაგანდისტული შინაარსის პოსტერი ჩამოხსნის გამო დააპატიმრეს.

ვირჯინიის უნივერსიტეტის სტუდენტი ჩრდილო კორეის დედაქალაქ ფხენიანში 29 დეკემბერს ჩავიდა. 1 იანვარს მან სასტუმროს კედლიდან, რომელშიც რჩებოდა, პოსტერი ჩამოხსნა. ვარმბაიერის ქმედება ვიდეო-კამერებმა დააფიქსირეს. 2 იანვარს ამერიკელი სტუდენტი აეროპორტში დააკავეს, როდესაც ის ჩრდილო კორეის დასატოვებლად ემზადებოდა.

ვარმბაიერს ბრალად ედება ჩრდილოეთ კორეის რესპუბლიკის წინააღმდეგ მტრული ქმედება. დაკავების დღეს ის პრესისთვის გამართულ კონფერენციაზე წარსდგა, სადაც თქვა, რომ ნანობს თავის საქციელს:

"მე მანიპულაციის ქვეშ ვიყავი და ჩემი ცხოვრების ყველაზე დიდი შეცდომა დავუშვი. გთხოვთ იფიქროთ ჩემზე და ჩემს ოჯახზე".

თეთრმა სახლმა უკვე მოუწოდა ჩრდილოეთ კორეის მთავრობას ვარმბაიერის გათავისუფლებისა და შეწყალებისკენ. ქვეყნებს შორის ფორმალური დიპლომატიური ურთიერთობა არ არსებობს.