ქართული ოცნებიდან პარალამენტის წევრმა, შოთა შალელაშვილმა განაცხადა, რომ უმრავლესობის დეპუტატთა დიდი ნაწილი უფუნქციოდ დარჩა მაშინ, როდესაც ზოგიერთი პარლამენტარი "ათმაგ საქმეს აკეთებს".

"არავის გავლენა და თანამდებობები არ აინტერესებს. არის უბრალოდ დამოკიდებულება. პარლამენტარები არიან ადამიანები, რომლებიც თავმოყვარეები არიან და უნდათ, რომ დასაქმებულები იყვნენ. არ უნდა ვიყოთ პარლამენტში იმისათვის, რომ მანდატი ვატაროთ", - ამბობს შალელაშვილი.

მისი თქმით, პარლამენტის თავმჯდომარემ, ირაკლი კობახიძემ დეპუტატებთან ურთიერთობა უნდა გამოასწოროს და თავის გარშემო უფრო ფართო ჯგუფი უნდა შემოიკრიბოს.

ქართული ოცნების შიგნით არსებულ დაპირისპირებაზე აქტიური საუბარი მას შემდეგ დაიწყო, რაც საზოგადოებრივი მაუწყებლობის სამეურვეო საბჭოს მეურვედ ნინია კაკაბაძის კანდიდატურის მხარდაჭერის გამო გედევან ფოფხაძემ უმრავლესობის დატოვება გადაწყვიტა.

პარლამენტის თავმდჯომარის განცხადებით, რელიგიური თემის სპეკულირების ფონზე, "გედი ფოფხაძემ საკმაოდ მძიმე შეურაცხყოფა მიაყენა თავის თანაგუნდელებს". ქანთარიამ განაცხადა, რომ თავმჯდომარის განცხადებები ავტორიტარიზმის ნიშნებს შეიცავს.

გაიგეთ მეტი: