საქართველოს პარლამენტის წევრი ქართული ოცნებიდან, დავით ჭიჭინაძე არ გამორიცხავს პარლამენტის თავმჯდომარის გადაყენების საკითხის დაყენებას. ამის შესახებ მან რუსთავი 2-ის ჟურნალისტთან საუბრისას განაცხადა.

მისი თქმით, "პარლამენტის თავმჯდომარე მათი უფროს არ არის".

"ის არის ჩვენ მიერ არჩეული ახალგაზრდა ადამიანი, რომელსაც ვენდობოდით, მაგრამ ჩვენთვის ძალიან მიუღებელი გახდა ბოლო დროინდელი მისი განცხადებები, თუნდაც ჩვენს კოლეგაზე, რომ ესეთი შეურაცხყოფილი ტონით მოიხსენიებს გედი ფოფხაძეს. გედი ფოფხაძეს საკმაოდ დიდი დამსახურება მიუძღვის ქართულ ოცნებაში და ამიტომ ვიძახი", - თქვა საპარლამენტო უმრავლესობის დეპუტატმა.

პარლამენტის თავმჯდომარეს მიაჩნია, რომ გედევან ფოფხაძემ თანაგუნდელებს, რელიგიური თემით სპეკულირების ფონზე, შეურაცხყოფა მიაყენა. მანამდე კი ქართული ოცნების წევრმა, გედევან ფოფხაძემ ნინია კაკაბაძის საზოგადოებრივი მაუწყებლის მეურვედ არჩევისას განაცხადა, რომ "შვიდეულის კვირაში ასეთი რამის გაკეთება არის ყველა მართლმადიდებლის სულში ჩაფურთხება."