საქსტატის წინასწარი მონაცემებით, 2016 წლის იანვარ-ივნისში საქართველოში საქონლით საგარეო სავაჭრო ბრუნვამ 5 705 000 000 დოლარი შეადგინა, რაც წინა წლის შესაბამისი პერიოდის მაჩვენებელზე 20 პროცენტით მეტია. თუმცა, აღნიშნული მატება იმპორტის ხარჯზე მოხდა, ექსპორტი კი შემცირებულია.

2016 წლის ექვსი თვის მაჩვენებლიდან, ექსპორტი 948 მილიონი დოლარი იყო, ხოლო იმპორტი - 4 757 000 000 დოლარი. რაც შეეხება უარყოფით სავაჭრო ბალანსს აღნიშნულ პერიოდში, ეს მაჩვენებელი 3 809 000 000 დოლარი იყო და მან საგარეო სავაჭრო ბრუნვის 67 პროცენტი შეადგინა.

2015 წლის იგივე პერიოდში ექსპორტი რამდენიმე ათეული მილიონი ლარით მეტი იყო და 1 082 300 000 ლარს შეადგენდა, 2014 წელს ექსპორტი კიდევ უფრო მეტი - 1 419 000 0000 ლარი იყო. საგარეო სავაჭრო ბრუნვა 2016 წელს იმპორტის ხარჯზეა გაზრდილი. 2015 წლის პირველ ნახევარში იმპორტი 3 660 300 000 ლარი იყო, 2016 წლის იგივე პერიოდში კი - 4 756 900 000.

საგარეო ვაჭრობის ტენდენციები საქართველოში, 2012-2016 წლები, იანვარ-ივნისის პერიოდი.

ფოტო: საქსტატი