ვახტან და მაია რჩეულიშვილების შვილი, ცენტრ პონტის სამეთვალყურეო საბჭოს თავმჯდომარე გუკა რჩეულიშვილი სამართალდამცავებს ჩაბარდა. 12 ივლისს სასამართლო დარბაზში დააპატიმრეს მაია რჩეულიშვილიც.

დაპატიმრებამდე გუკა რჩეულიშვილმა ვიდეო გაავრცელა, სადაც ის ამბობს, რომ პროკურატურის ქმედებას პოლიტიკური მოტივი აქვს და ის თავის სიმართლეს აუცილებლად დაამტკიცებს.

რამდენიმე დღის წინ ცნობილი გახდა, რომ საქართველოს მთავარმა პროკურატურამ ცენტრ პოინტის დამფუძნებლის, მაია რჩეულიშვილის, გუკა რჩეულიშვილის, ასევე ცენტრ-პოინტის ბათუმის საინვესტიციო პროექტის ხელმძღვანელს ირაკლი მინდელსა და გაყიდვების მენეჯერ სალომე ჩარკვიანს ბრალი წაუყენა.

სასამართლო ცენტრ პონტის დამფუძნებლებს ჯგუფურად სხვისი ქონების გაფლანგვას ედავება, საქმე ათეულობით მილიონ ლარს ეხება. ამჟამად ოთხივე ბრალდებული დაკავებულია.