დევნილთა მინისტრი, სოზარ სუბარი აღნიშნავს, რომ ცენტრ პოინტის წინააღმდეგ პოლიტიკური დევნა არ ხორციელდება. ჟურნალსტებთან საუბარში ის ასევე ჰყვება, თუ როგორ გაიმარჯვა კომპანიამ დევნილთა სამინისტროს მიერ გამოცხადებულ ორ ტენდერში, რომელთა შესახებაც გაფორმებული კონტრაქტები მოგვიანებით გაუქმდა, რადგან კომპანიამ დოკუმენტაცია დროულად არ წარმოადგინა:

"როცა ლაპარაკია რჩეულიშვილების კეთილსინდისიერ ბიზნესებზე, ნებისმიერ თბილისელი გაგცემთ ამაზე პასუხს. 4 წლის წინ და მანამდე კიდევ, სააკაშვილის დროს რომ ძიებები მიდიოდა, ჩემი ბრალი არ არის. [ცენტრ პოინტმა] მოიგო ერთი ტენდერი გამზადებული კორპუსით ხოლო, როდესაც ვუთხარით, რომ ამ კორპუსში ვყიდულოთ ბინებს დევნილებისათვის, გვითხრა, რომ აქ ისედაც მშვენივრად ვყიდი [ბინებს]და გვერდით რომ ავაშენებ, იმაში მოგყიდითო. იმაზე ხელშეკრულება არ ყოფილა, ის არ მოუგია და ბუნებრივია, თავს არ მოვატყუებინებდით".

სუბარის განმარტაებით, ცენტრ პოინტმა კიდევ მეორე აშენებული კორპუსით მოიგო დევნილთა სამინისტრო მიე რგამოცხადებული ტენდერი. მისი თქმით, მშენებლობა თითქმის დამთავრებული იყო და დევნილთა სამინისტროს სურდა აღნიშნული კორპუსის შეძენა, თუმცა ცენტრ პოინტმა ვერ წარმოადგინა დოკუმენტაცია იმის შესახებ, თუ რეალურად ვის ეკუთვნოდა შენობა.

დღეს მაია და გუკა რჩეულიშვილები პროკურატურაში დაიბარეს, თუმცა 11 საათზე დაბარებული გუკა რჩეულიშვილი საგამოძიებო უწყებაში არ გამოცხადდა. მაია რჩეულიშვილმა კი, რომელიც პროკურატურაში 1 საათზე უნდა მივიდეს, განაცხადა, რომ საქმეს პოლიტიკური სარჩული აქვს.

წინასწარი ინფორმაციით, საქმე ბათუმში, მაგნოლიას მშენებლობას ეხება. პროკურატურის მიმდებარე ტერიტორიაზე უკვე შეიკრიბნენ ცენტრ პოინტისგან დაზარალებული ადამიანები, რომლებიც საპროტესტო აქციის გამართვას აპირებენ.

მთავარი პროკურატურის ინფორმაციით, გუშინ ცენტრ-პოინტის ბათუმის საინვესტიციო პროექტის ხელმძღვანელი, ირაკლი მინდელი და გაყიდვების მენეჯერი, სალომე ჩარკვიანიც დააკავეს, რომლებსაც ბრალს დღეს წარუდგენენ.

უკვე წლებია ცენტრ-პოინტის ასობით მომხმარებელი, რომლებმაც კომპაანიისგან ბინები იყიდეს, მათ ჩაბარებას ელოდებიან. კომპანიამ ამ დრომდე ვერ შეასრულა ნაკისრი ვალდებულებები, მათი მშენებლობების დიდი ნაწილი შეჩერებულია.