ქობულეთში, სოფელ ხუცუბანში ხის გადატანის პროცესს დაპირისპირება მოყვა, რის შედეგადაც ორი პირი დააკავეს.

ერთიანი ნაციონალური მოძრაობის წევრები, გზის გადაკეტვით, ასწლოვანი ევკალიპტის გადატანას აპროტესტებდნენ. სამართალდამცავებს, რომლებიც ხის გადასატანად გზას ათავისუფლებდნენ, აქციის მონაწილეები შპს ჭორვილად მოიხსენიებდნენ.

შინაგან საქმეთა სამინისტროს ინფორმაციიით, აქციის მონაწილეები ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციელის კანონიერი მოთხოვნისადმი დაუმორჩილებლობას გულისხმობს.