ქალთა მიმართ სექსუალურ შევიწროებაში დადანაშაულებული ზვიად დევდარიანი პატივისა და ღირსების აღდგენას სასამართლოს გზით გეგმავს. ამის შესახებ მან რამდენიმე წუთის წინ პრესკონფერენციაზე განაცხადა.

ზვიად დევდარიანის ადვოკატის თქმით, ბრალდებებს სამეურვეო საბჭოს წევრად დასახელებას უკავშირებენ.

"მე ვიწყებ სამართლებრივ ბრძოლას საკუთარი სიმართლის დასამტკიცებლად და ამისთვის გამოვიყენებ ყველა სამართლებრივ ინსტრუმენტს. მზად ვარ ვითანამშრომლო შსს-სთან, პროკურატურასთან და სახალხო დამცველის აპარატთან და მზად ვარ ვამტკიცო ჩემი სიმართლე სასამართლოში. მზად ვარ ვიდავო ჩემი პატივის, ღირსების და ჩემი შვილების უფლებების შელახვის ფაქტზე", - თქვა დევდარიანმა.

მისი თქმით, მისი ერთადერთი მიზანია სიმართლე გამოვლინდეს. როგორც მისმა ადვოკატმა პრესკონფერენციაზე განაცხადა ისინი მედიასაშუალებებს არ უჩივლებენ.

17 მარტს ზვიად დევდარიანი ქალთა მოძრაობამ ქალების შევიწროების 10-მდე შემთხვევაში დაადანაშაულა. შსს-მ გამოძიება ადევნების მუხლით დაიწყო.

დევდარიანი, რომელიც საზოგადობრივი მაუწყებლისსამეურვეო საბჭოს წევრობის კანდიდატი იყო, ბრალდებებს უარყოფს. სახალხო დამცველი ნინო ლომჯარია ზვიად დევდარიანთან დაკავშირებით ქალების მონათხრობში სისხლის სამართლის დანაშაულის ნიშნებს ხედავს.

გაიგეთ მეტი: