შინაგან საქმეთა სამინისტრო მოუწოდებს ყველა იმ პირს (როგორც მსხვერპლებს, ისე სხვა პირებს), რომელიც ფლობს ინფორმაციას ზვიად დევდარიანის საქმეზე ითანამშრომლოს გამოძიებასთან და გამოკითხვის მიზნით გამოცხადდეს საგამოძიებო ორგანოში.

უწყების განცხადებით, მედიასაშუალებებით გავრცელებული მასალიდან არ ირკვევა შესაძლო დანაშაულის მსხვერპლთა ვინაობა და საქმის ფაქტობრივი გარემოებების დასადგენად მნიშვნელოვანია გამოძიებასთან თანამშრომლობა.

ზვიად დევდარიანი ქალთა მოძრაობამ სექსუალური შევიწროების 10-მდე შემთხვევაში დაადანაშაულა. დევდარიანმა გავრცელებული ფაქტები უარყო, თუმცა სამეურვეო საბჭოს წევრობიდან საკუთარი კანდიდატურა მოხსნა.

შსს-მ ზვიად დევდარიანის საქმეზე გამოძიება სისხლის სამართლის კოდექსის 151-ე ადევნების მუხლით დაიწყო.

გაიგეთ მეტი: