ადამიანები ერთმანეთისგან განსხვავდებიან, მაგრამ ხშირ შემთხვევაში ძალიან ჰგვანან კიდეც ერთმანეთს. ოფისის სიტუაციები - თანამშრომლების დაბადების დღეები, საუბრები წყლის დისპენსერთან სხვადასხვა ქვეყანაში ხშირად იდენტურიც კია.

მაშ ასე, წარმოგიდგებთ 10 ტიპის თანამშრომელს, რომელიც ყველას გვყავს.

1. ლანჩს რომ გვიჭამს

თუ თქვენ ხართ ეს თანამშრომელი, გირჩევთ, რომ დროულად შეწყვიტოთ. ზოგიერთ სამსახურში ამ პრობლემის მოსაგვარებლად მაცივართან კამერაც კი დააყენეს, მაგრამ ეს უკიდურესი ზომაა.

ფოტო: NBC

ტიპური ფრაზა: მე არ ამიღია!

2. სულ მუსიკას რომ უსმენს არც ისე ჰერმეტული ყურსასმენებით

ასეთი თანამშრომელი გვაიძულებს, რომ ჩვენც გვიყვარდეს მინიმალ-ტექნო ან მძიმე მეტალი. ჯერჯერობით დაუდგენელია, უწყობს თუ არა ამ მუსიკის მოსმენა ხელს პროდუქტიულობას.

ფოტო: NBC

ტიპური ფრაზა: რაა? (როცა ხელების ქნევით ეძახი და ანიშნებ, ცოტა ჩაუწიოს)

3. სულ დიეტაზე მყოფი

ეს არის თანამშრომელი, რომელიც ყველას წონაზე ელაპარაკება, მუდმივად დიეტაზეა და ამის მიუხედავად, შედეგს ვერასდროს ხედავს. ასეთ თანამშრომლებს უნდა მოვუფრთხილდეთ და დავაფასოთ, რადგან დაბადების დღეებზე ისინი ხშირად ამბობენ ტორტზე უარს და ჩვენ მეტი გვრჩება.

ფოტო: NBC

ტიპური ფრაზა: ახალ დიეტას ვიწყებ

4. თანამშრომელი, რომელიც ცოტას მუშაობს და შთაბეჭდილებას ქმნის, თითქოს კომპანია მასზე დგას

ეს ცალკე ნიჭია და აუცილებლად უნდა ჯილდოვდებოდეს, ოღონდ სამსახიობო სფეროში.

ფოტო: NBC

ტიპური ფრაზა: რა თქმა უნდა, შემიძლია გვიანობამდე დარჩენა

5. ოფისის კომიკოსი

ეს ადამიანი ყველაზე მეტს ხუმრობს და ამაში ცუდი არაფერია, თუ რა თქმა უნდა, სამიზნედ მხოლოდ ერთ ადამიანს არ ირჩევს და მას ყველას თვალწინ იგდებს მასხრად. ხშირ შემთხვევაში კომიკოსი სხვებსაც აიძულებს, მხარი აუბან.

ფოტო: NBC

ტიპური ფრაზა: კაი, რა გეწყინა

6. ჯუჯღუნა

ეს რა ლეპტოპია, ეს რა მაგიდაა, ეს რა პრინტერია, ეს რა ოფისია

ფოტო: NBC

ტიპური ფრაზა: რა დავაშავე?!

7. "ჩამშვები თანამშრომელი"

ეს იმ ბავშვის გაზრდილი ვერსიაა, რომელიც სკოლაში მასწავლებელს ახსენებდა, რომ მოსწავლეებისთვის დავალების მიცემა დაავიწყდა.

ფოტო: NBC

ტიპური ფრაზა: და იმ პროექტზე რას ვშვრებით?

8. საიდუმლოებით მოცული აიტის თანამშრომელი

ის არავის ესაუბრება, ჰაერით იკვებება და მზის დანახვისთანავე იწვის. სამაგიეროდ, ჩვენი კომპიუტერების ჩვენზე უკეთ ესმის.

ფოტო: NBC

ტიპური ფრაზა: დარესტარტება სცადეთ?

9. სოციალური მხეცი

ეს არის ადამიანი, რომელსაც სულ კონტაქტი უნდა, მაშინაც კი, როცა ყველა საქმეშია ჩაფლული

ფოტო: NBC

ტიპური ფრაზა: მოწევა არავის უნდა?

10. ტუალეტის ბინადარი

თუ ტუალეტი საათობით დაკავებულია, შეგიძლიათ ფსონი დადოთ, რომ მასში სწორედ ეს ადამიანია

ფოტო: NBC

ტიპური ფრაზა: ჩარეცხვის ხმა.