ტელეკომპანია რუსთავი 2 ინფორმაციით, რუსეთის საგარეო საქმეთა სამინისტროს პრესპიკერმა, მარია ზახაროვამ მათ განუცხადა, რომ საქართველო ქვეყნიდან რუსეთის ინტერესთა სექციის ტექნიკურ თანამშრომელს აძევებს. ამის შესახებ ინფორმაცია არხის მთავარ საინფორმაციო გამოშვებაში გავიდა.

სახაროვამ კომენტარში ასევე აღნიშნა, რომ ნოტა არ ეხება ევგენი კონიშევს, რომელიც რუსეთის ინტერესთა სექციის ხელმძღვანელია საქართველოში და მანამდე კი რუსეთის კონსული იყო გიუმრიში.

საქართველომ ქვეყნიდან რუსი დიპლომატის გაძევების გადაწყვეტილების შესახებ დღეს გაავრცელა განცხადება.

ყოფილი რუსი ჯაშუში სერგეი სკრიპალი და მისი შვილი იულია, ბრიტანეთის ქალაქ სოლსბერიში 4 მარტს ნერვო-პარალეპტიკური ნივთიერებით მოწამლეს. ისინი ამ დრომდე მძიმე მდგომარეობით საავადმყოფოში არიან. ბრიტანეთის ოფიციალური პოზიციით, საქმეში რუსეთი მონაწილეობს.

ბრიტანეთის მხარდასაჭერად, საერთო ჯამში, აშშ-დან, კანადიდან და ევროპის ქვეყნებიდან 150-ზე მეტი რუსი დიპლომატი გააძევეს.