ახალი ზელანდიის პრემიერ-მინისტრმა, ჯასინდა არდერნმა განაცხადა, რომ სკრიპალის სკანდალის გამო გაძევებულ რუს დიპლომატებს ქვეყანაში არ შეუშვებს.

ყოფილი რუსი ჯაშუში სკანდალის გამო რუსი დიპლომატები სხვადასხვა ქვეყნიდან გააძევეს. არდერნმა განაცხადა, რომ ის მზად იყო ქვეყნიდან რუსი დოპლომატები გაეძევებინა, თუმცა, მისი თქმით, რუსეთის საელჩოში რუსი ჯაშუშები არ არიან.

ამის შემდეგ რამდენიმე ზელანდიელმა პოლიტიკოსმა პრემიერ-მინისტრი "სუსტ პასუხში" დაადანაშაულა. ისინი ამბობდნენ, რომ პრემიერმა დასავლელ პარტნიორებთან ურთიერთობა დარტყმის ქვეშ დააყენა.

ყოფილი რუსი ჯაშუში სერგეი სკრიპალი და მისი შვილი იულია, ბრიტანეთის ქალაქ სოლსბერიში 4 მარტს ნერვო-პარალეპტიკური ნივთიერებით მოწამლეს. ისინი ამ დრომდე მძიმე მდგომარეობით საავადმყოფოში არიან. ბრიტანეთის ოფიციალური პოზიციით, საქმეში რუსეთი მონაწილეობს.

ბრიტანეთის მხარდასაჭერად, საერთო ჯამში, აშშ-დან, კანადიდან და ევროპის ქვეყნებიდან, მათ შორის საქართველოდან, ჯამში 20-ზე მეტი ქვეყნიდან 130-ზე მეტი რუსი დიპლომატი გააძევეს. რუსული მისიის დიპლომატების რიცხვი შეამცირა ნატომაც. სკრიპალის სკანდალის გამო რუსეთიდან დროებით გაიწვია თავისი ელჩი ევროკავშირმაც.

რუსეთი ბრალდებებს უარყოფს და ამბობს, რომ ამ დრომდე სკრიპალების საქმის დეტალებს არ იცნობს და ლონდონს ცილისმწამებლური პოზიცია უჭირავს. მოსკოვმა ლონდონის ნაბიჯების საპასუხოდ, ქვეყნიდან 23 ბრიტანელი დიპლომატი გააძევა.