შინაგან საქმეთა სამინისტროს განცხადებით, სამართალდამცავებმა ბოლო სამი თვეში, 2018 წლის 1 იანვრიდან დღემდე ოჯახური დანაშაულის ბრალდებით 855 პირი დააკავეს. ხოლო, მსხვერპლთა დაცვის მიზნით შემაკავებელი ორდერი 1 402 პირის მიმართ გამოსცეს.

ამის შესახებ დღეს, 29 მარტს შსს-ს ადამიანის უფლებათა დაცვის დეპარტამენტის დირექტორმა, ლონდა თოლორაიამ ბრიფინგი გამართა.

სტატისტიკური მონაცემებით, ოჯახური დანაშაულის ბრალდებით დაკავებული 855 პირი, რეგიონების მიხედვით შემდეგნაირად გადანაწილდა:

  • თბილისში - 424 ;
  • იმერეთსა და რაჭა-ლეჩხუმში - 78;
  • ქვემო ქართლში - 76;
  • კახეთში - 68;
  • შიდა ქართლში - 66;
  • აჭარაში - 40;
  • სამცხე-ჯავახეთში - 39;
  • სამეგრელოში - 25;
  • გურიაში - 25;
  • მცხეთა-მთიანეთში - 14.

ბრალდებულთა ძირითადი ნაწილი ოჯახში ძალადობის, ოჯახის წევრის მიმართ განხორციელებული მუქარის, იძულებისა და ჯანმრთელობის დაზიანების ბრალდებით დააკავეს.