ქალაქ რუსთავში, დედისა და მისი მეგობარი კაცის მიერ 15 წლის გოგოს სავარაუდო ფიზიკურ და სექსუალურ ძალადობაზე გამოძიება დაიწყო.

ტელეკომპანია რუსთავი 2-ის ინფორმაციით, 15 წლის გოგო შეუძლოდ სკოლაში გახდა, რის შემდეგაც ადგილზე სასწრაფო დახმარება და საპატრულო პოლიცია გამოიძახეს. ფაქტის შესახებ ინფორმირებულია სოციალური მომსახურების სააგენტო. ის ამჟამად სპეციალურ დაწესებულებაშია გადაყვანილი. დედას კი მასთან კონტაქტი 30 დღის განმავლობაში აეკრძალა.

შინაგან საქმეთა სამინისტროში On.ge-ს განუცხადეს, რომ მომხდარზე გამოძიება სისხლის სამართლის კოდექსის 1261 და 111 141-ე მუხლებით მიმდინარეობს, რაც ოჯახში ძალადობასა და ოჯახის ერთი წევრის მიერ სხვა წევრის მიმართ გრყვნილ ქმედებას გულისხმობს.