მომღერალმა და მსახიობმა ჯენიფერ ლოპესმა, პუერტო რიკოში გამართული შეხვედრის დროს, გაამხილა, რომ კარიერის დასაწყისში თავადაც გამხდარა სექსუალური შევიწროების მსხვერპლი.

“ისევე როგორც ქალების უმრავლესობა, მეც ვყოფილვარ სექსუალური შევიწროების მსხვერპლი. ჩემს ერთ-ერთ პირველ ფილმზე მუშაობისას რეჟისორმა მითხრა, რომ გამეხადა მაისური, რადგან მას ჩემი მკერდის ნახვა სურდა. რა თქმა უნდა, ეს არ გავაკეთე. შემდეგ, როდესაც ეს ისტორია არ დავმალე და მოვყევი, არავინ მიჯერებდა, არავინ აღმოჩნდა ისეთი, ვინც დამიცავდა. მიუხედავად ამისა, არ დავნებდი, რადგან ვიცოდი, რომ მართალი ვიყავი”, - ყვება ლოპესი.