თბილისის მეტროს დიდუბე-გოცირიძის მონაკვეთზე. მატარებლის შეჯახების შედეგად, ქვეითად მოსიარულე, 70 წლამდე ასაკის კაცი გარდაიცვალა. ამის შესახებ ინფორმაციას სატრანსპორტო კომპანია ავრცელებს.

განცხადებაში ნათქვამია, რომ კაცი ლიანდაგებზე მოძრაობდა. მემანქანემ შეჯახების არიდება ვერ მოახერხა.

ადგილზე მუშაობს საპატრულო პოლიცია და მიმდინარეობს შესაბამისი საგამოძიებო მოქმედებები.

უბედური შემთხვევის გამო, შეფერხებულია თბილისის მეტროს პირველი ხაზის მოძრაობა. მატარებელი გადაადგილდება სადგურის მოედანი - ვარკეთილის მიმართულებით, ხოლო საბურთალოს ხაზი მუშაობს შეუფერხებლად. საგამოძიებო მოქმედებების დასრულებისთანავე პირველ ხაზზე მოძრაობა სრულად აღდგება.