სირიიდან უკანონოდ გადატანილი ანტიკური საგანძურის აღმოსაჩენად ძაღლებს გაწვრთნიან. ამის შესახებ ინფორმაციას გარდიანი ავრცელებს. გამოცემის ინფორმაციით, ძაღლებს აშშ-ს პოლიციის K-9-ის სპეციალურ დეპარტამენტში გაწრთვნიან.

ახალი პროგრამა პენსილვანიის უნივერსიტეტთან არსებული Penn Vet Working Dog Center-ის დახმარებით განხორცილდება. ცენტრი სხვადასხვა პროფილის დამხმარე ძაღლების გაწვრთანზე 2012 წლიდან მუშაობს. სპეციალურად გაწვრთნილი ძაღლები კი, უკვე დიდი ხანია ეხმარებიან პოლიციელებს ასაფეთქებელი და ნარკოტიკული ნივთიერებების აღმოჩენაში.

ახალი პროექტის ხელმძღვანელები იმედოვნებენ, რომ სპეციალურად გაწვრთნილი ძაღლები დაეხმარებიან პოლიციელებსა და მესაზღვრეების კონფლიქტის ზონებიდან უკანონოდ გადმოტანილი ანტიკური საგანძურის და ძვირფასი ნივთების აღმოჩენაში. ძაღლებს გამოიყენებენ როგორც სატვირთო გადაზიდვების, ასევე, პირადი ნივთების შემოწმებისთვის. დამხმარე ძაღლები იმუშავებენ როგორც სახმელეთო საზღვარზე, ასევე აერპორტებსა და საზღვაო პორტებში.

პროექტში მონაწილე ერთ-ერთი არქეოლოგი, რომელიც ადრე სირიასა და ერაყში მუშაობდა ამბობს, რომ ძაღლებს უკვე შეუძლიათ სასოფლო სამეურნეო პროდუქციის, ელექტრონული მოწყობილობების ცნობა და ძაღლები ასეთივე წარმატებით გაართმევენ თავს ახალ ამოცანას.

გაეროს გენერალური ასამბლეის ინფორმაციით, სირიასა და ერაყში არაერთი კულტურული მემკვიდრეობის ძეგლი განადგურდა. ასამბლეის თქმით, ასევე, ხშირია ანტიკური ნივთებით უკანონოდ ვაჭრობის შემთხვევები და ამ გზით შემოსული თანხა ტერორისტული ორგანიზაციების შემოსავლის საკმაოდ დიდ ნაწილა.

აღნიშნულ პროექტში ჩართულია არაკომერციული ორგანიზაცია წითელი თაღი (Red Arch). ორგანიზაცია წლების განმავლობაში ანტიკური და არქეოლოგიური მემკვიდრეობის ტრეფიკინგისა და უკანონო გავრცელების პრობლემაზე მუშაობს. ორგანიზაციის დამფუძნებელი რიკ ჰილარია. მისი იდეა იყო ანტიკური საგანძურის საძებნელად დამხმარე ძაღლების გამოყენება.

Penn Vet-ის ცენტრის თანამშრომელი, სინტია ოტტო Guardian-თან საუბარში ამბობს, რომ ახალი პროგრამა უპრეცენდენტოა. მისი თქმით, ოთხფეხა მეგობრებს ამ მიმართულებით მუშაობა უხარიათ, რადგანაც ისინი ძაღლებს მათთვის სასურველი ჯილდოებით ანებივრებენ.