პრემიერ-მინისტრის სპეციალური წარმომადგენელი რუსეთთან ურთიერთობის საკითხებში, ზურაბ აბაშიძე ამბობს, რომ პრემიერის პირდაპირი მიმართვის საშუალება რუსეთის ხელისუფლებას, აუცილებლად გამოსაყენებლი იყო.

მისივე განცხადებით, მათ ყველა საერთაშორისო ბერკეტი გამოიყენეს უკვე, მათ შორის, ჩაერთო კათალიკოს პატრიარქი ილია მეორე.

აბაშიძე ამბობს, რომ ეს იყო სახელმწიფო მოღვაწის განცხადება:

"მთავარი ჩიხური ვითარება ის გახლავთ, რომ რუსეთმა მათი დამოუკიდებლობა აღიარა, ხოლო ჩვენ ამას ვერასდროს და ვერანაირად ვერ შევეგუებით. არანაირი მინიშნება არ არის ამ განცხადებაში დიპლომატირუი ურთიერთობის აღდგენაზე, ეს საკითხი დღის წესრიგში ვერ და არ დადგება".

პრემიერის მიმართვა რუსეთს

"დღევანდელი დღისა და მომავალი თაობების წინაშე პასუხისმგებლობის გაცნობიერებით, გადავდგათ ერთობლივი ნაბიჯები აღნიშნული რთული ვითარების დასაძლევად", - ამ სიტყვებით, საქართველოს პრემიერ-მინისტრი, გიორგი კვირიკაშვილი რუსეთის ხელისუფლებას მიმართავს.

კვირიკაშვილის თქმით, ქართული მხარე დაინტერესებულია რეალურ პროგრეს მიაღწიონ ჟენევის საერთაშორისო დისკუსიების პროცესში. ასევე, მზადაა პირდაპირი დიალოგისათვის აფხაზებთან და ოსებთან. ამ თვალსაზრისით, პრემიერი მიესალმება რუსეთის კონსტრუქციულ მიდგომასაც:

"პოლიტიკური ნების არსებობის შემთხვევაში, შესაძლებლად მიგვაჩნია სხვა გონივრული ნაბიჯების გადადგმაც".

კვირიკაშვილის შეთავაზება რუსეთს - პოლიტიკური შეფასებები