საქართველოსა და სერბეთს შორის უვიზო მიმოსვლის შესახებ შეთანხმება მიხეილ ჯანელიძის სერბეთში ვიზიტის ფარგლებში გაფორმდება. ამის შესახებ საგარეო საქმეთა სამინისტრო ავრცელებს განცხადება.

სერბეთის მთავრობა აღნიშნულ შეთანხმებას უახლოეს დღეებში აამოქმედებს. მხარეებმა ხაზი გაუსვეს უვიზო მიმოსვლის მნიშვნელობას ხალხთაშორისი კონტაქტებისა და ტურიზმის სფეროში თანამშრომლობის გაღრმავებისთვის.

შეხვედრაზე განხილეს საქართველოსა და სერბეთის შემდგომი თანამშრომლობის პერსპექტივები სხვადასხვა სფეროში, მათ შორის სერბეთის პრეზიდენტმა გამოხატა მზადყოფნა, ხელი შეუწყოს სავაჭრო-ეკონომიკურ სფეროში ურთიერთობებს.

სერბეთი მხარს უჭერს საქართველოს სუვერენიტეტსა და ტერიტორიულ მთლიანობას, ქვეყნის ევროპულ ინტეგრაციას და საქართველოსთან ორმხრივი თანამშრომლობის გაღრმავებას.