ფინანსთა სამინისტროს საგამოძიებო სამსახურმა, განათლების სამინისტროს, საგანმანათლებლო და სამეცნიერო ინფრასტრუქტურის განვითარების სააგენტოს თანამშრომელი დავით მაღრაძე დააკავა.

საგამოძიებო სამსახურის ინფორმაციით, დაადგინდა, რომ ბრალდებულმა, გამოიყენა სამსახურეობრივი მდგომარეობა და ავტორიტეტი და ერთ-ერთ მეწარმეს, შესრულებული სამუშაოების ანაზღაურების ვადაზე ადრე მიღებაში დახმარების სანაცვლოდ, ქრთამის სახით, მოსთხოვა და გამოართვა 1000 ლარი.

საქმეზე მიმდინარეობს გამოძიება საქართველოს სსკ-ის 338-ე მუხლის პირველი ნაწილით, რაც სასჯელის სახით ითვალისწინებს 6-დან 9 წლამდე პატიმრობას.