საქართველოს პროკურატურამ დღეს, 14 მარტს, სოციალური ქსელებით პირადი ცხოვრების ამსახველი მორიგი ვიდეოს გავრცელებასთან დაკავშირებით სისხლის სამართლის საქმის გამოძიება 157-ე მუხლის მუხლის მიხედვით დაიწყო.

სისხლის სამართლის კოდექსის 157-ე მუხლი გულისხმობს პირადი, ან ოჯახური საიდუმლოს ხელყოფას, ანუ მოპოვებას, შენახვას, ან/და გავრცელებას. დანაშაული ისჯება ჯარიმით, ან გამასწორებელი სამუშაოთი 1 წლამდე ვადით, ან პატიმრობით იგივე ვადით.

14 მარტს გავრცელებულ პირადი ცხოვრების ამსახველ ვიდეოში შეუძლებელია პირთა იდენტიფიცირება, რადგან მათი სახეები დაფარულია. თუმცა, ვიდეოს აწერია, რომ მასზე ერთი კონკრეტული პოლიტიკოსია აღბეჭდილი. ვიდეოს ავტორები კონკრეტულ პოლიტიკოსებსა და ჟურნალისტებს უთვლიან მუქარას, თუ ისინი 31 მარტამდე არ შეწყვეტენ თავიანთ საქმიანობას, გაავრცელებენ მათი პირადი ცხოვრების ამსახველ ჩანაწერებს.

პროკურატურაში დაკითხვაზე დაიბარეს ჟურნალისტი ლაშა ბერულავა, უცნობმა მომხმარებელმა გამთენიისას სწორედ მის გვერდზე გამოაქვეყნა ვიდეო, რაც ლაშა ბერულავამ წაშალა.

პროკურატურამ ასევე დაიწყო გამოძიება 11 მარტს გავრცელებულ პირადი ცხოვრების ამსახველ კიდევ ერთ ვიდეოსთან დაკავშირებით, თუმცა, რა ეტაპზეა გამოძიება, ჯერჯერობით უცნობია.

On.ge შენგებულად არ ასახელებს იმ პოლიტიკოსთა ვინაობას, რომელთა დასაშანტაჟებლადაც ფარული ჩანაწერები ვრცელდება.