რა გახსენდებათ, როდესაც HBO-ს სახელი გესმით? რა თქმა უნდა პირველ რიგში უმაღლესი ხარისხის სერიალები, მასშტაბურობა და უნიკალური ხელწერა, რომელიც მხოლოდ ამ არხს ახასიათებს.

სწორედ ამიტომ, ვის თუ არა HBO-ს, ქართველმა მაყურებელმა თხოვნით მიმართა გადაიღონ ქართული პოემის, "ვეფხისტყაოსანი", ეკრანიზაცია. ამისთვის ინტერნეტში პეტიციაც განათავსეს და ხელმომწერთა რიცხვიც ყოველწამს იზრდება.

"ეკრანიზაციის გადაღება ძალიან საფრთხილოა, რადგან არსებობს დიდი რისკი, რომ ამ ნაწარმოების მთელი მნიშვნელობა დაიკარგოს, თუმცა მას შემდეგ რაც თქვენ შექმენით სერიალი სამეფო კარის თამაშები, ვფიქრობთ, რომ "ვეფხისტყაოსანი" თქვენთვის ძალიან საინტერესო იდეა იქნება", - წერია პეტიციაში.

თუ თქვენც ფიქრობთ, რომ HBO-მ ქართველებისთვის საამაყო პოემის ეკრანიზაცია გადაიღოს, შეგიძლიათ მოაწეროთ პეტიციას ხელი. ვინ იცის, იქნებ ამ ამბავმა ოკეანის მიღმა ჩააღწიოს და ჩვენი ოცნება რეალობად იქცეს.

პეტიცია: HBO გადაიღე სერიალი "ვეფხისტყაოსანზე"