13 მარტს ბროდვეის სცენაზე Pretty Woman-ის ადაპტაციის პრემიერა შედგება.

მიუზიკლად ქცეულ საკულტო რომანტიკულ კომედიაში ამჯერად მთავარ როლებს სამანტა ბარკსი და სტივ კეიზი შეასრულებენ.

"ვივიენისა და ედვარდის ვიზიტი მეტროპოლიტენ ოპერაში ყოველთვის ჩემს გონებაში იყო, გამუდმებით ვფიქრობდი ამაზე და საბოლოოდ გადავწყვიტე ბროდვეისთვის ამ ფილმის ადაპტაცია დამედგა", - ამბობს რეჟისორი

რამდენიმე დღის წინ კი მსახიობების პირველი ფოტოც გავრცელდა:

"ლამაზმანი" მსოფლიო ეკრანზე 1990 წელს გამოვიდა და წლის ერთ-ერთ მთავარ კინომოვლენად იქცა. კინოსურათში მთავარ როლებს ჯულია რობერტსი და რიჩარდ გირი ასრულებდნენ.

ფილმის ბიუჯეტი $14 მილიონი იყო, შემოსავალი კი - $460 მილიონ დოლარზე მეტი.

აღსანიშნავია, რომ ფილმში მონაწილეობისთვის ჯულია რობერტსს მხოლოდ $300 ათასი გადაუხადეს. 10 წლის შემდეგ კი ის პირველი მსახიობი გახდა, რომელმაც $25 მილიონი მიიღო როლისთვის.