ჯანდაცვის მსოფლიო ორგანიზაციის განცხადებით, ევროპაში 2017 წელს წითელას 20 ათასზე მეტი შემთხვევა დაფიქსირდა, აქედან 35 სიკვდილით დამთავრდა.

რეკორდული მინიმუმი დაფიქსირდა 2016 წელს - 5 273 შემთხვევა. ორგანიზაციის განცხადებით, მსგავსი დაბალი მაჩვენებლის შემდეგ 2017 წლის რიცხვები საგანგაშოა.

წითელა ინფექციური ვირუსული დაავდებაა, რომელიც გართულების შემთხვევაში, შესაძლოა, ფატალურად დასრულდეს. დაავადება ჰაერ-წვეთოვანი გზით ვრცელდება. გავრცელებისა და გართულების ხელშეშლისთვის კი ორგანიზაცია მოსახლეობას იმუნიზაციას ურჩევს.

წითელას შემთხვევები 2010-2017 წლებში

ფოტო: BBC

ექსპერტების აზრით, წითელას ზრდის ერთ-ერთი მთავარი პრობლემა აცრაზე უარის თქმაა. ჯანდაცვის მსოფლიო ორგანიზაციის თქმით, იმისათვის რომ წითელა მასშტაბურად არ გავრცელდეს მოსახლეობის 95 პროცენტი აცრილი უნდა იყოს.

ბოლო პერიოდში ევროპის სხვადასვხა ქვეყანაში სავალდებულო იმუნიცაციისა და ზოგადად იმუნიზაციის წინააღმდეგ გამოდიან. საქართველოში წითელა პროფილაქტიკური აცრების ეროვნულ კალენდარშია შეტანილი, ანუ მისი გაკეთება სავალდებულოა.

წითელას ყველაზე ბევრი შემთხვევა ევროპის 15 ქვეყანაში დაფიქსირდა:

  • რუმინეთი - 5 562;
  • იტალი 5 006;
  • უკრაინა - 4 767;
  • საბერძნეთი - 967;
  • გერმანია - 927;
  • სერბეთი - 702;
  • ტაჯიკეთი - 649;
  • საფრანგეთი - 520;
  • რუსეთი - 408;
  • ბელგია - 369;
  • დიდი ბრიტანეთი - 282;
  • ბულგარეთი - 167;
  • ესპანეთი - 152;
  • ჩეხეთი - 146;
  • შვეიცარია - 105.