"ვაკის პარკში, დაცლილ შადრევანში, ბავშვი ველოსიპედით გადავარდა. საბედნიეროდ, გადარჩა" — ამის შესახებ გახარია — საქართველოსთვის წევრი, ტატა ხვედელიანი სოციალურ ქსელში და აღნიშნავს, რომ "თბილისი უსაფრთხო ქალაქი არ არის".

მისი განცხადებით, "სისტემური კორუფცია და საჯარო სივრცეების უსაფრთხოების სრული იგნორირება არის მოცემულობა, რომელიც ოცნების მერიამ დაამკვიდრა ჩვენს თბილისში"

"გუშინ თბილისი კიდევ ერთ უბედურ შემთხვევას გადაურჩა. ვაკის პარკში, დაცლილ შადრევანში, ბავშვი ველოსიპედით გადავარდა. საბედნიეროდ, გადარჩა და იმედი მაქვს, კარგად იქნება. ეს შემთხვევა კიდევ ერთხელ ადასტურებს ერთს — თბილისი უსაფრთხო ქალაქი არ არის.

როცა შადრევანი ფუნქციური აღარაა, იმ ტრაგედიის ადგილზე, რომელმაც სისტემური კორუფციისა და უპასუხისმგებლობის გამო ანგელოზივით ბავშვი იმსხვერპლა, ელემენტარული უსაფრთხოების ნიშნებიც კი არ არის დამონტაჟებული. ყოველ ნაბიჯზე დაუცველები ვართ.

სისტემური კორუფცია, უპასუხისმგებლობა, გულგრილობა და საჯარო სივრცეების უსაფრთხოების სრული იგნორირება არის მოცემულობა, რომელიც ოცნების მერიამ დაამკვიდრა ჩვენს თბილისში", — წერს ტატა ხვედელიანი.