სადაზღვევო კომპანია ალდაგის პრემიუმ ბრენდის, პრიმოს სივრცე ოფიციალურად გაიხსნა.

პრიმო პერსონალური სადაზღვევო მომსახურებაა, რომელიც სხვადასხვა სერვისს აერთიანებს და მომხმარებელს დაზღვევის მიღებისას დამატებით კომფორტს უქმნის.

პრიმოს სივრცე ანა პოლიტკოვსკაიას 16 ნომერში მდბარეობს, ამ ერთ სივრცეში, მომხმარებელს ყველა საჭირო სერვისისა და მომსახურების მიღება შეეძლება. პერსონალური მენეჯერები მომხმარებელს დაეხმარებიან, გამოსცადონ პრიმოს მთავარი დაპირება — კომფორტი და სერვისის მიღების სიმარტივე.

ფოტო: ალდაგი

პრიმოს სივრცეში მომხმარებელს ექნება შესაძლებლობა ჩანიშნოს შეხვედრა პერსონალურ მენეჯერთან და დაგეგმოს დაზღვევასთან დაკავშირებული ნებისმიერი საკითხი.

პრიმო უკვე წლებია ბაზარზე უნიკალური სადაზღვევო შეთავაზებებით პოზიციონირებს. მისი ცენტრალური პროდუქტი ავტოდაზღვევაა, რაც ნიშნავს სერვისის სრულყოფილებას, ავტორიზებულ სერვისცენტრებში მომსახურებას, კონსიერჟის მომსახურებას. პრიმო მომხმარებლებს ექსკლუზიურ პრობებს ქონების დაზღვევისა და სიცოცხლისა და კრიტიკული დაავადებების დაზღვევის პროდუქტებზეც სთავაზობს, რაც გულისხმობს განსხვავებულ დაფარვებს და პირობებს.

“ჩვენ გვჯერა, რომ საუკეთესო სერვისი მომხმარებლების მოსმენითა და საჭიროებების გაანალიზებით იწყება. ჩვენი მომხმარებელი სწრაფ მომსახურებასა და პროფესიონალიზმს აფასებს. პრიმოს დაპირებაც, სწორედ, მაღალი სტანდარტი და ინდივიდუალური მიდგომებია, რომელიც მომხმარებელს აგრძნობინებს, რომ ძლიერი პარტნიორი ჰყავს. ეს სივრცე, სპეციალურად ჩვენი მომხმარებლების კომფორტისთვის შეიქმნა და ის არა მხოლოდ სერვისის მიღების ადგილია, არამედ სივრცე, სადაც მომხმარებელი გრძნობს, რომ მისი დრო დაფასებულია, შეუძლია მშვიდად იყოს და მიიღებს სწრაფ გადაწყვეტილებებს ნაკლები ბიუროკრატიით.” — ნინო წეროძე, ალდაგის საცალო გაყიდვების დირექტორი.

ფოტო: ალდაგი

პრიმო ალდაგის პრემიუმ ბრენდია, რომელიც სადაზღვევო ინდუსტრიაში პირველად, ალდაგის მომხმარებლებისთვის პერსონალური სადაზღვევო მომსახურების სახით შეიქმნა. მისი ბრენდი, კონცეფცია და შეთავაზებების პაკეტები სრულადაა მორგებული თანამედროვე ადამიანის საჭიროებებს და გულისხმობს ზრუნვას არა მხოლოდ სადაზღვევო შემთხვევის დროს, არამედ ყოველთვის, როცა მომხმარებელს სჭირდება.