სურსათის ეროვნული სააგენტო სოციალურ ქსელში გავრცელებულ ვიდეო ეხმაურება, სადაც მოვაჭრე ატმებს პულვერიზატორით ღებავს და ამბობს — "ხეზე ვერ ასწრებს დამწიფებას, ბაზარს რაოდენობა სჭირდება. მკვახე დაკრიფა და როგორ ამწიფებს..."

სააგენტოს განცხადებით აღნიშნულ ფაქტზე შესაბამის სამართალდამცავ ორგანოებს მიმართეს:

"სოციალურ ქსელში გავრცელებულ ატმის შეღებვის ფაქტის ამსახველ ვიდეომასალასთან დაკავშირებით, სურსათის ეროვნული სააგენტო განმარტავს, რომ საქმე ეხება სურსათის მიზანმიმართულ დაბინძურებას. აღნიშნული ფაქტი საჭიროებს მყისიერ რეაგირებას, რისთვისაც სააგენტომ შესაბამის სამართალდამცავ ორგანოებს წერილობით უკვე მიმართა," — ვკითხულობთ განცხადებაში.