საზოგადოებრივი მაუწყებლის საბჭოს ამჟამინდელი და ყოფილ წევრები სტარტაპების დაფინანსების წესზე ვერ თანხმდებიან. საბჭოს წევრის, გრიგოლ გოგელიას თქმით, სტარტაპის დაფინანსების ზღვარი შესაძლებელია, რომ მაუწყებლის საბჭომ განსაზღვროს. მის საპირისპიროდ, სულხა სალაძეს მიაჩნია, რომ მსგავსი წესი კანონმა უნდა დაარეგულიროს.

"ერთ წელს საბჭომ შეიძლება ჩათვალოს, რომ 80 პროცენტია [დაფინანსება] სტარტაპი და მეორე წელს 20 პროცენტი. ამ რეგულაციით არც ერთი იქნება დარღვევა და არც მეორე. სტარტაპი რომ სულ ჩავარდეს, მაგაზე პასუხს არავინ აგებს", - თქვა სალაძემ.

ამაზე საბჭოს წევრმა, გრიგოლ გოგელიამ უპასუხა, რომ "სტარტაპი ისაა, რომ შეცდომა შენი მეგობარია".

მსგავს რეგულაციას არ ეთანხმებაიან სხვა არასამთავრობო ორგანიზაციებიც. საერთაშორისო გამჭვირვალობა - საქართველოს განცხადებაში ნათქვამია, რომ თუ კანონი სტარტაპის ინოვაციურობასა და დაფინანსების საკითხს არ განსაზღვრავს, გაუმჭვირვალე ხარჯებისა და კორუფციის რისკი გაჩნდება.

პარლამენტში დღეს, 16 თებერვალს, საზოგადოებივი მაუწყებლის შესახებ კანონში შესატან ცვლილებები განიხილეს. სხდომას პარლამენტის თავმჯდომარესთან ერთად, საზოგადოებრივის მენეჯმენტი და სხვადასხვა მედიასაშუალებების წარმომადგენლები ესწრებოდნენ.

ამავე თემაზე: