რუსეთში YouTube და Instagram ინტერნეტპროვაიდერებმა შესაძლოა დაბლოკონ იმის გამო, რომ ერთმანეთს რუსი ოლიგარქი, ოლეგ დერიპასკა და ოპოზიციის ლიდერი, ალექსეი ნავალი დაუპირისპირდნენ.

საქმე ეხება ნავალნის საგამოძიებო ვიდეოს, რომელშიც ის ოლიგარქის კორიფციაზე საუბრობს. რუსეთის სასამართლომ დაადგინა, რომ ვიდეოთი დერიპასკას პირადი ცხოვრების უფლება ირღვეოდა, რის გამოც ოპოზიციონერს ვიდეოს წაშლა დაევალა. ნავალნი YouTube-დან და Instagram-დან ვიდეოს წაშლაზე უარი განაცხადა.

იმ შემთხვევაში თუ ნავალნი ვიდეოებს არ წაშლის, ხოლო კომპანიები მათზე წვდომას არ შეზღუდავენ, რუსეთის ინტერნეტპროვაიდერები არხებზე წვდომას დაბლოკავენ, რადგან კონკრეტული კონტენტის დაბლოკვის უფლება მათ არ აქვთ.

ნავალნის კორუფციასთან ბრძოლის ფონდმა საგამოძიებო ვიდეო წინა კვირას გამოაქვეყნდა, სადაც ნაჩვენები იყო დერიპასკასა და რუსეთის პრემიერ-მინისტრის მოადგილის, სერგეი პრიხოდკოს იახტაზე შეხვედრა.