სახალხო დამცვეის, ნინო ლომჯარია თქმით, მუხტარლის გაუჩინარების გარემოებების გამოძიება არაეფექტურად მიმდინარეობს:

"ძალიან დიდი ხანია ჩვენ არაფერი გვსმენია გამოძიების მიმდინარეობისა და იქ არსებული რაიმე პროგრესის თაობაზე. ნებისმიერი ინფორმაცია, რაც შეიძლება მოპოვებული იქნას მედიის საშუალებით თუ დაკავებულ პირთან კონტაქტის საშუალებით, ვფიქრობ, რომ მნიშვნელოვანი უნდა იყოს გამოძიებისთვის და სათანადო ყურადღება მიექცეს ამ გარემოებებს".

აფგან მუხტარლი თბილისიდან 29 მაისს გაუჩინარდა და მეორე დღეს ბაქოს ციხეში აღმოჩნდა. მას ექვსწლიანი პატიმრობა მიუსაჯეს. ამ დრომდე საქართველოს საგამოძიებო უწყებებს მუხტარლის შესაძლო გატაცებაზე გამოძიების დეტალების შედეგები არ გაუვრცელებიათ.

აფგან მუხტარლი თავის გატაცებაზე პასუხისმგებლობას საქართველოს პრემიერ-მინისტრ გიორგი კვირიკაშვილს აკისრებს და მიაჩნია, რომ აზერბაიჯანის პრეზიდენტის, ილჰამ ალიევის და საქართველოს ყოფილი პრემიერის, ბიძინა ივანიშვილის ბიზნესპარტნიორობის მსხვერპლი გახდა. ინტერვიუ მუხტარლისთან რუსთავი 2-მა ჩაწერა და თარგმანიც მას ეკუთვნის.