"არ მჭირდება შენი სიყვარული და მხარდაჭერა ასეთ ტრაგიკულ დროს", - ასეთ ფოტოს აქვეყნებს მსახიობი კიმ კეტრელი ინსტაგრამზე და სარა ჯესიკა პარკერს მიმართავს.

ფოტოს თან ერთვის წარწერაც: "დღეს დედამ მკითხა, როდის დამანებებდა თავს ფარისეველი სარა ჯესიკა პარკერი. სარა, შენი საქციელი კიდევ ერთხელ მახსენებს, როგორი ბოროტი იყავი ადრეც და ახლაც, ნება მომეცი ყველაფერს ნათელი მოვფინო - შენ არ ხარ ჩემი ოჯახი. შენ არ ხარ ჩემი მეგობარი. უკანასკნელად გეუბნები, შეეშვი ჩემი ოჯახის ტრაგედიით მანიპულირებას შენი "კარგი გოგოს" იმიჯის აღსადგენად", - წერს კიმ კეტრელი.

შეგახსენებთ, რომ რამდენიმე დღის წინ, გაუჩინარების შემდეგ, კიმ კეტრელის ძმა გარდაცვლილი იპოვეს.

რაც შეეხება კიმისა და სარა ჯესიკა აპრკერის დაპირისპირებას, ყველაფერი მას შემდეგ დაიწყო, რაც კიმმა თქვა, რომ ის Sex and the City-ის მსახიობებთან არასდროს მეგობრობდა.

ამ განცხადებას გამოეხმაურა სარა ჯესიკა პარკერიც და აღნიშნა, რომ კეტრელის ამ განცხადებამ გული ატკინა.

"გულგატეხილი ვიყავი და ეს საწყენი იყო, რადგან ჩვენი წარსული სხვანაირად მახსოვს. მართალია, პროფესიული შეხება გვქონდა, მაგრამ იმის გამო, რომ სერიალი ამდენი წელი გრძელდებოდა, დროთა განმავლობაში ჩემთვის ეს ურთიერთობა პერსონალურიც გახდა"-ამბობს პარკერი.

ალბათ უკვე იცით, რომ 2017 წლის შემოდგომაზე Sex and the City-ის მესამე ნაწილის გადაღებები უნდა დაწყებულიყო, თუმცა მისი გადაღებები მანამ შეჩერდა, სანამ დაიწყებოდა. ამის შესახებ მსოფლიოს სარა ჯესიკა პარკერმა ამცნო.

როგორც აღმოჩნდა, სერიალის გადაღებები კიმ კეტრელის გამო ჩაიშალა, თუმცა მსახიობის თქმით, მან მესამე ფილმზე უარი ჯერ კიდევ 2016 წელს თქვა. "სამანტა ჩემი გმირი იყო, თუმცა ახლა დასვენება მინდა" - დასძინა მან.

სარა ჯესიკა პარკერის განცხადების გავრცელების შემდეგ, Sex and the City-ს მსახიობები ტვიტერზე ერთმანეთს დაუპირისპირდნენ.