"საზოგადოებრივ მაუწყებელთან" სინდისის პატიმრების მშობლების და მხადამჭრების 24-საათიან საპროტესტო აქცია დასრულდა. როგორც აქციის ერთ-ერთი მონაწილე ზურაბ ცეცხლაძე აცხადებს, "იგნორირების პოლიტიკის გამო ეს დღე-ღამე შავ ლაქად დარჩება საქართველოს საზოგადოებრივი მაუწყებლის ხელმძღვანელობას".

მისივე თქმით, 24-საათიანი საპროტესტო აქცია ისე დასრულდა, რომ მაუწყებელმა მათი საერთოდ არ გააშუქა. თუმცა 24-საათიანი აქციის დასრულება მათი ბრძოლის დასრულებას არ ნიშნავს და ახლა საზოგადოების მხარდაჭერას ელიან.

"ჩვენი 24 საათიანი საპროტესტო აქტი საზოგადოებრივ მაუწყებელთან შედგა. უმოქმედობის, იგნორირების პოლიტიკის გამო ეს დღე-ღამე შავ ლაქად დარჩება საქართველოს საზოგადოებრივი მაუწყებლის ხელმძღვანელობას.

მოვითხოვდით:

  • საზოგადოებრივი მაუწყებლის ეთერს;
  • მაუწყებლის ხელმძღვანელობასთან შეხვედრას;
  • მაუწყებლის სამეურვეო საბჭოს რეაგირებას.

სამწუხაროა მაგრამ ფაქტია ამ 24 საათის განმავლობაში საზოგადოებრივი მაუწყებლის მხრიდან ჩვენს მოთხოვნებზე არანაირი გამოხმაურება არ ყოფილა.

24-საათიანი აქციის დასრულება ჩვენი ბრძოლის დასრულებას არ ნიშნავს. თუმცა ახლა ჯერი საზოგადოებაზეა. მივმართავთ თითოეულ ადამიანს, რომელსაც აინტერესებს სამართლიანობა, ადამიანის უფლებები და საკუთარი ქვეყნის მომავალი:

თუ ჩვენი ხმა არ ისმის იქ, სადაც საზოგადოებრივი მაუწყებლის ეთერი უნდა იყოს ყველასთვის ღია, მაშინ საჭიროა, ეს ხმა ყველამ ერთად გავაგონოთ. ჩვენ, ოჯახის წევრები, ბოლომდე გავაგრძელებთ ბრძოლას ჩვენი შვილებისა და ახლობლებისთვის.

მაგრამ ამ ბრძოლაში საზოგადოების მხარდაჭერა განსაკუთრებით მნიშვნელოვანია. მადლობა თითოეულ ადამიანს, ვინც ამ 24 საათის განმავლობაში ჩვენს გვერდით იდგა, გვესტუმრა, გვამხნევებდა ან ჩვენი ხმა გაავრცელა.

ჩვენი ბრძოლა გრძელდება. ჩვენი ხმა უნდა ისმოდეს. ახლა კი — ჯერი საზოგადოებაზეა", — აცხადებს ზურაბ ცეცხლაძე.