კანადელმა მსახიობმა კიმ კეტრელმა, რომელსაც ყველა Sex and the City-ში შესრულებული როლით იცნობს, კვირას თავის გულშემატკივრებს დაკარგული ძმის პოვნაში დახმარებისკენ მოუწოდა. თუმცა რამდენიმე საათის შემდეგ, კანადის პოლიციამ კრისტოფერ კეტრელის გარდაცვალების შესახებ გაავრცელა ინფორმაცია.

"მწუხარებით მინდა გაცნობოთ, რომ ჩემი ძმა კრის კეტრელი მოულოდნელად გარდაიცვალა" - დაწერა კიმმა და მისი ოჯახისთვის უმძიმეს დროს კონფიდენციალობის დაცვა ითხოვა.

55 წლის კრის კეტრელის გარდაცვალების მიზეზს პოლიცია არ ახმაურებს. კიმის თქმით, მისი ძმა გასულ სამშაბათს დაიკარგა და გასაღები, საფულე და მობილური სახლში დატოვა, რაც მსახიობის თქმით, "უჩვეულო იყო".