სარა ჯესიკა პარკერი ამბობს, რომ კიმ კეტრელის სიტყვებმა, გულგატეხილი დატოვა. 4 თვის წინ, სამანტას როლის შემსრულებელმა Piers Morgan's Life Stories-ში სტუმრობისას თქვა, რომ ის არასდროს მეგობრობდა სერიალის გმირებთან:

"ჩვენ არასდროს ვყოფილვართ მეგობრები. ჩვენ კოლეგები ვიყავით და ეს ჩემთვის ჯანსაღი ურთიერთობა იყო, რადგან ასე ვტოვებდი ზღვარს პირად ცხოვრებასა და პროფესიას შორის".

"გულგატეხილი ვიყავი და ეს საწყენი იყო, რადგან ჩვენი გამოცდილება ასეთი არ მახსოვს. ეს სევდიანია, მაგრამ მე ყოველთვის ვფიქრობდი, რომ ეს ერთი გამოცდილება ერთმანეთთან ახლოს გვტოვებდა. კი, ეს პროფესიული ურთიერთობა იყო, მაგრამ ის პერსონალურიც გახდა, რადგან ის წლების განმავლობაში გრძელდებოდა" - თქვა პარკერმა გუშინ, ენდი კოენის შოუში.

ალბათ უკვე იცით, რომ 2017 წლის შემოდგომაზე Sex and the City-ის მესამე ნაწილის გადაღებები უნდა დაწყებულიყო. და შესაძლოა ისიც იცოდეთ, რომ მისი გადაღებები მანამ შეჩერდა, სანამ დაიწყებოდა. ამის შესახებ მსოფლიოს სარა ჯესიკა პარკერმა ამცნო.

როგორც აღმოჩნდა, სერიალის გადაღებები კიმ კეტრელის გამო შეჩერდა, თუმცა მსახიობის თქმით, მან მესამე ფილმზე უარი ჯერ კიდევ 2016 წელს თქვა. "სამანტა ჩემი გმირი იყო, თუმცა ახლა დასვენება მინდა" - დასძინა მან.

სარა ჯესიკა პარკერის განცხადების გავრცელების შემდეგ, Sex and the City-ს მსახიობები ტვიტერზე ერთმანეთს დაუპირისპირდნენ.