აშშ-ის ვიცე-პრეზიდენტმა, მაიკ პენსმა გამოტოვა ვახშამი, სადაც ჩრდილოეთ კორეის ოფიციალურ პირებს უნდა შეხვედროდა. ვახშამი ოლიმპიადის გახსნამდე გაიმართა.

როგორც The Guardian წერს, რომ ოლიმპიადის გახსნაზე პენსმა რამდენიმე სიტყვა უთხრა სამხრეთ კორეის პრეზიდენტსა და იაპონიის პრემიერ-მინისტრს. თუმცა გაურბოდა კიმ იო ნამს, უზენაესი სახალხო ასამბლეის პრეზიდიუმის პრეზიდენტს. ის ფხენიანის ყველაზე მაღალი თანამდებობის პირია, რომელიც სამხრეთ კორეაში ოდესმე ჩასულა. გახნსნამდე სამხრეთ და ჩრდილოეთ კორეის ოფიციალურმა პირებმა ერთმანეთს ხელიც კი ჩამოართვეს.

ჩრდილოეთ კორეის ოფიციალური დელეგაცია სამხრეთში პარასკევს ჩავიდა. მათ შორის არის კიმ ჩენ ინის და, კიმ იო ჯინი, რომელიც კორეის ომის შემდეგ ფხენიანის მმართველი დინასტიის ერთადერთი წევრია, რომელიც სამხრეთ კორეაში ჩავიდა.

სამხრეთ კორეის პრეზიდენტის თქმით, პენსი სხვა ვახშამზე ამერიკელ სპორტსმენებთან ერთად წავიდა.

კიმ იო ჯინი და სამხრეთ კორეის პრეზიდენტი ერთმანეთს ხელს ართმევენ

ფოტო: Reuters