პაატა ბურჭულაძეს გამომძიებლები, ფონდ იავნანას საქმეზე, მაგისტრი მოსამართლის თანდასწრებით კითხავენ. საოპერო ვარსკვლავის და ყოფილი პოლიტიკოსის განცხადებით, ამ საქმის განხილვით მტკიცდება, რომ საქართველოში სიკეთე დასჯადია:

„დღეს ისტორიული დღეა. გიხაროდეთ ყველას, რომ დღეს სიკეთე არის დასჯადი და უნდა გამოკითხონ ის ადამიანი, ფონდი, რომელსაც ამდენი სიკეთე აქვს გაკეთებული. მაგრამ რა ვქნათ, ვნახოთ, იმედი ვიქონიოთ, რომ სამართალი იქნება.“

საქართველოს მთავარმა პროკურატურამ ფონდ იავნანას ხელმძღვანელი პირების მიერ, სამსახურებრივი მდგომარეობის გამოყენებით, დიდი ოდენობით თანხების შესაძლო მითვისება-გაფლანგვის ფაქტზე გამოძიება სექტემბრში დაიწყო.

გამოძიებას საფუძვლად დაედო არასამთავრობო ორგანიზაცია ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტის განცხადება, რომლის თქმითაც, ფონდ იავნანას ხელმძღვანელები შესაძლოა საქველმოქმედო მიზნებისათვის მოპოვებულ თანხებს ითვისებდნენ და არამიზნობრივად ხარჯავდნენ.