რადიო თავისუფლების სათავო ოფისის დირექტორმა, თომას კენტმა არასამთავრობო ორგანიზაციების წერილს უპასუხა. როგორ წერილშია აღნიშნული, რადიო თავისუფლება მუდმივად აჯამებს და აფასებს გავლენასა და სტრატეგიებს, რათა გაძლიერდეს ის ღირებულებები, რომელიც აუდიტორიამდე მიდის.

"ეს არის სავალდებულო ჩვენთვის. ჩვენი მისიაა, რომ უზრუნველვყოთ ყველაზე მაღალი სტანდარტი, დავნერგოთ ახალი ჟურნალისტური შესაძლებლობები და ამ ყველაფერში ინვესტიცია ყურადღებით ჩავდოთ", - ნათქვამია წერილში.

თომას კენტის განმარტებით, რამდენიმეთვიანი დისკუსიისა და ანალიზის შემდეგ, მათ გადავწყვიტეს, რომ მაღალი სტანდარტების დაცვით საქართველოში წარმომადგენლობა და გავლენა გააფართოონ:

"ეს მოიცავს, პირველ რიგში, ჩვენი ციფრული პლატფორმების ათვისებას, ამავე დროს, ჟურნალისტური კონტენტის განვითარებას".

კენტის თქმით, ეხო კავკაზას ბიურო, როგორც ინტეგრირებული ელემენტი, გააგრძელებს მუშაობას ისევე, როგორც გიორგი გადაცემა პერპსპექტივები. რაც შეეხება სალომე ასათიანის ინტერვიუს, კენტის განმარტებით, რესურსის მოძიებისთანავე გადაცემა განახლდება.

"ჩვენს ყველა ნამუშევარში ვეძებთ ღირებულებას და არა კომპრომისს, ეს არის ჟურნალისტური ერთიანობა, რაც ჩვენი სერვისის სამარკო ნიშანია. ჩვენ ვქმნით დაბალანსებულ, სამართლიან და ინოვაციურ ჟურნალისტიკას. დარწმუნებული ვარ, რომ რადიო თავისუფლება და ქართული გუნდი თქვენი ღირსეულ მხარდაჭერის მოპოვებას გააგრძელებს", - ნათქვამია წერილში.

რადიო თავიფუფლების ირგვლივ განვითარებული მოვლენები

  • არასამთავრობო ორგანიზაციების ნაწილმა რადიო თავისუფლების სათავო ოფისს კონფლიქტისა და რადიოს ქართული სამსახურის მომავლის შესახებ, ღია და გამჭვირვალე ინფორმაციის მიწოდება სთხოვა.
  • რადიო თავისუფლების თბილისის ბიუროს ხელმძღვანელმა, მარინა ვაშაყმაძემ თანამდებობა მას შემდეგ დატოვა, რაც ბიუროს დირექტორი დავით კაკაბაძე გაათავისუფლეს.
  • RFE/RL-ის სათავო ოფისის მენეჯმენტსა და ქართული სამსახურის ხელმძღვანელს დავით კაკაბაძეს შორის უთანხმოების შესახებ რამდენიმე დღის წინ, 23 იანვარს გახდა ცნობილი.
  • BBGWatch-ის სტატიაში წერია, რომ სათავო ოფისის ხელმძღვანელები ქართულ ბიუროს რუსთავი 2-თან თანამშრომლობას აიძულებენ.