შინაგან საქმეთა მინისტრის მოადგილემ, ნათია მეზვრიშვილმა განაცხადა, რომ ე.წ. კონონიერ ქურდს საქართველოს სახელმწიფო საზღვრის გადმოკვეთისთანავე დააკავებენ და ამ მხრივ კანონპროექტით არაფერი შეცვლილა.

"უფრო მეტიც, მთელი რიგი მიმართულებებით ეს კანონპროექტი ითვალისწინებს გაცილებით უფრო მკაცრ მიდგომებს, ვიდრე დღეს მოქმედი კანონით არის ეს გათვალისწინებული", - თქვა მეზვრიშვილმა.

მისი განმარტებით, ქურდული სამყაროს წევრობისა და კანონიერი ქურდობისთვის სანქციები იზრდება 15 წლამდე ვადით. ასევე, ფართოვდება იმ ქმედებების წრე, რომელიც დანაშაულად იქნება მიჩნეული:

"დანაშაული იქნება ქურდული სამყაროს წევრისთვის მიმართვა - საკმაოდ მკაცრი სანქციით, დანაშაული იქნება ნებისმიერი პირის მიერ ქურდული შეკრების ორგანიზება და ამგვარ შეკრებაში მონაწილეობა და დანაშაული იქნება ქურდული სამყაროს და კანონიერი ქურდის, ასევე, ქურდული სამყაროს საქმიანობის ნებისმიერი ფორმით მხარდაჭერა".

გაიგეთ მეტი: რას ითვალისწინებს ქურდული სამყაროს წინააღმდეგ საკანონმდებლო ცვლილების პროექტი