ძილი თითქმის ყველა ცოცხალი ორგანიზმის ფიზიოლოგიური მდგომარეობაა, თუმცა როგორც წესი, თითოეულ მათგანს განსხვავებული ძილ-ღვიძილის ციკლი ახასიათებს.

ალბათ არ გაგიკვირდებათ თუ გეტყვით, რომ ცხოველებსაც ისევე სჭირდებათ ძილი, როგორც ადამიანებს, მაგრამ როგორც უკვე ვთქვით ზოგიერთ ცხოველს ჩვენგან რადიკალურად განსხვავებული ძილის რეჟიმი თუ მანერა აქვს.

ამიტომ წარმოგიდგენთ 15 ცხოველს, რომლებსაც ყველაზე საინტერესო და უცნაური ძილი ახასიათებს.

1. ღამურა

ფეხებით დაკიდულ, ამოყირავებულ ღამურებს ხშირად დღეში 20 საათის განმავლობაში სძინავთ ხოლმე.

2. მღრღნელები

მღრღნელების უმრავლესობას 6 თვის განმავლობაში გადაბმულად შეუძლიათ ძილი, რაც მათ გამოზამთრებასა და ყინვაში თავის გადარჩენაში ეხმარებათ.

3. ზვიგენი

მეცნიერები ფიქრობენ, რომ ზვიგენებს ცურვის მომენტშიც კი შეუძლიათ დაძინება, რა დროსაც მათი ტვინი სანახევროდ აგრძელებს ფუნქციონირებას.

4. ლომვეშაპი

ლომვეშაპები ჰაერით გაბერილები იძინებენ, ეს მათ წყლის ზედაპირზე ტივტივში ეხმარებათ.

5. მელა

ადამიანებისაგან განსხვავებით, მელას 24 საათის განმავლობაში რამდენიმე ძილ-ღვიძლის ციკლი აქვს.

6. ლოკოკინა

ზოგიერთ ლოკოკინას 4 წლის განმავლობაში სძინავს, პირველად ეს ფაქტი ეგვიპტეში აღმოაჩნეს, როდესაც უდაბნოში ნაპოვნი ლოკოკინები მუზეუმში წაიღეს, რამდენიმე წლის შემდეგ კი მათ გამოიღვიძეს.

7. ჟირაფი

ჟირაფებს ძილის გარეშე რამდენიმე კვირა შეუძლიათ გაძლონ, მეცნიერების აზრით მათ ეს უნარი მტაცებლებისგან თავის გადასარჩენად გამოუმუშავდათ.

8. მაიმუნი

მაიმუნების უმრავლესობას თითქმის ისევე სძინავთ როგორც ადამიანებს, დასაძნებლად ისინი ჩვენსავით კომფორტულ ადგილს არჩევენ, სადაც ლოგინიც კი შეიძლება მოაწყონ.

9. ვეშაპი

მეცნიერებმა აღმოაჩინეს, რომ ძილს ვეშაპების ცხოვრებაში მხოლოდ 7% უკავია და მისი ხანგრძლივობა 6-24 წუთის ინტერვალით მერყეობს.

10. ჩიტი

ჩიტების უმრავლესობას ხეზე ჩამომჯდარსა და ერთ პოზაში გაშეშებულს ძალიან კომფორტულად სძინავს.

11. ძაღლი

ძაღლებს ერთად ძილი უყვართ, ისინი ამას ერთმანეთის გათბობის მიზნით აკეთებენ.

12. ცხენი და ზებრა

ზებრებს, ისევე როგორც ცხენებს ფეხზე დგომა და ძილი ძალიან კარგად გამოსდით, რაც მათ მტაცებლისაგან უეცარი თავდასხმის თავიდან აცილებაში ეხმარებათ.

13. იხვი

როგორც წესი იხვებს ჯგუფურად სძინავთ, რადგან ნებისმიერი მტაცებლის გამოჩენის შემთხვევაში სწრაფი რეაგირება გარანტირებულია.

14. ფლამინგო

ფლამინგოებს სხვა უამრავი ცხოველის მსგავსად ფეხზე დგომა და ძილი შეუძლიათ, მაგრამ არა იმიტომ, რომ დაწოლა არ უყვართ, უბრალოდ მათი საცხოვრებელი ძირითადად ტალახიანი და ჭარბ წყლიანი ადგილებია.

15. წავი

წავებს ზურგზე წამოწოლილს ტივტივი და გემრიელად გამოძინება შეუძლიათ, რა დროსაც ძალიან სახალისოდ და საყვარლად გამოიყურებიან ხოლმე.