მართალია მერილ სტრიპი ოსკარის ისტორიაში ყველაზე მეტჯერ ნომინირებული მსახიობია, მაგრამ არიან ისეთებიც ვინც ძალებს ახლა იკრებს და თუ ასე გააგრძელეს, ვინ იცის იქნებ მერილ სტრიპს გაუსწრონ კიდეც?

ამის ყველაზე თვალსაჩინო მაგალითი სირშა რონანია, რომელიც ჯერ მხოლოდ 23 წლის არის და უკვე ოსკარის სამი ნომინაცია აქვს.

გუშინ, ამერიკის კინოაკადემიამ 90-ე ოსკარის ნომინანტთა სია გამოაქვეყნა და სირშა რონანმაც Lady Bird-ისთვის საუკეთესო მსახიობი ქალის ნომინაცია მიიღო.

პირველად მსახიობი ოსკარის მზერამ 2008 წელს დააფიქსირა. ფილმში Atonement შესრულებული როლისთვის მან მეორეხარისხოვანი როლის შემსრულებელი მსახიობი ქალის ნომინაცია მიიღო. 2016 წელს კი საუკეთესო მსახიობი ქალის ნომინაციაზე წარადგინეს ფილმში Brooklyn შესრულებული როლისთვის.

მაგალითისთვის შეგვიძლია ვთქვათ, რომ სირშა რონანზე ცოტა ნომინაციები აქვთ ისეთ მსახიობებს, როგორებიც არიან - სანდრა ბულოკი, ეჰ ჰეთეუეი, გოლდი ჰოუნი, ანჯელინა ჯოლი, ემა სტოუნი, შარლიზ ტერონი, რიზ უიზერსპუნი, ჰელენა ბონემ კარტერი, ჯესიკა ჩესტეინი, ლორა დერნი, სალი ჰოუკინსი და ა.შ.