ამერიკის ყოფილი პირველი ლედი მიშელ ობამა 54 წლის გახდა და ყველაზე თბილი მილოცვა, რა თქმა უნდა, მისი ყველაზე დიდი ფანისგან, ბარაკ ობამასგან მიიღო.

მიშელმა ინსტაგრამზე ფოტო გამოაქვეყნა, სადაც მისი ქმრისგან მიღებული ყვავილები და ღია ბარათი ჩანდა:

"მადლობა ბარაკ ობამა იმ ლამაზი ყვავილებისთვის, რომლებიც ამ დილით სამსახურში დამხვდა. შენ ჩემი საუკეთესო მეგობარი და უდიდესი ფანი ხარ, და შენგან ყვავილებისა და ღია ბარათების მიღება არასდროს მომბეზრდება" - დაწერა მიშელმა.

ღია ბარათს ეწერა "მიშე" და მილოცვაც ჩანდა ობამას ინიციალით: "დაბადების დღეს გილოცავ, ბ".

მიშელ ობამამ სხვა გულშემატკივრებსაც გადაუხადა მადლობა მილოცვებისთვისა და ღია ბარათებისთვის.

თუმცა ბარაკ ობამა ლამაზი ყვავილებით არ შემოიფარგლა და ამ განსაკუთრებულ დღეს, მიშელს საჯაროდაც გაუგზავნა მილოცვა:

"შენ მხოლოდ ჩემი ცოლი და ჩემი შვილების დედა კი არ ხარ, შენ ჩემი საუკეთესო მეგობარიც ხარ. მე მიყვარს შენი სიძლიერე, შენი დიდებულება და შენი მიზანდასახულობა, და ყოველ დღე უფრო და უფრო მიყვარხარ. დაბადების დღეს გილოცავ, მიშელ ობამა" - დაწერა მან და წარსულში გადაღებული ფოტოც გამოაქვეყნა.