გარემოს დაცვისა და სოფლის მეურნეობის სამინისტროს ინფორმაციით, 2017 წელს გარემოსდაცვითი კანონმდებლობის დარღვევის 11 625 ფაქტი გამოვლინდა. მათ შორის, ადმინისტრაციული სამართალდარღვევის 11 110 ფაქტი, ხოლო სისხლის სამართლის 515 ფაქტი, რომელთა მასალებიც სამართალდამცავ ორგანოებში გადაიგზავნა. გარემოსთვის მიყენებული ზიანის თანხამ კი 8 651 243 ლარი შეადგინა.

სამინისტროს ინფორმაციით გარემოსდაცვითი დანაშაულებიდან, დაფიქსირდა ტყის კანონმდებლობის დარღვევის 1737 ფაქტი, ხე-ტყის ტრანსპორტირების წესების დარღვევის 1397 და სახერხის ტექნიკური რეგლამენტის დარღვევის 832 ფაქტი.

წიაღის კანონმდებლობის დარღვევიდან გამოვლინდა 2521 ფაქტი, ატმოსფერული ჰაერის კანონმდებლობის დარღვევიდან კი 1817 ფაქტი.

ნარჩენების მართვის კოდექსის დარღვევის 1407 ფაქტი დაფიქსირდა, ხოლო თევზჭერის/ნადირობის წესების დარღვევის 1078 ფაქტი.

სამინისტროს ინფორმაციით, სამართლოს გადაწყვეტილებით, სამართალდამრღვევებს (როგორც ფიზიკურ, ასევე იურიდიულ პირებს) ჯარიმის სახით, ჯამში 4 658 500 ლარი დაეკისრათ.