შინაგან საქმეთა სამინისტროს განცხადებით, პოეტ ზვიად რატიანის საქმეზე, შესაძლო გადაცდომის გამო, ფაქტის გამოძიებამდე ერთ-ერთ პოლიციელს უფლებამოსილებას შეუჩერებს.

შსს-ს ცნობით, ფაქტს გენერალური ინსპექცია იძიებს და პირველადი შესწავლის შედეგად ორივე მხარის პასუხისმგებლობა იკვეთება:

სამინისტროს გენერალური ინსპექცია გადაცდომის თითოეულ ფაქტზე - ასეთის არსებობის შემთხვევაში, სამართლებრივ რეაგირებას მომავალშიც მოახდენს.

რაც შეეხება, ზვიად რატიანს, შსს-ს ცნობით, იგი ამჟამად გათავისუფლებულია დროებითი მოთავსების იზოლატორიდან.

ზვიად რატიანის ადვოკატი ლიბერალთან აცხადებს, რომ თამარ მეფის გამზირზე ნარინჯისფერ ქურთუკში გამოწყობილ პოეტს რამდენიმე ადამიანი მიუახლობდა და დამცინავად ჰკითხა, თუ რატომ იყო ასეთი ფერის ტანსაცმლით შემოსილი. ადვოკატის თქმით, პოეტმა მიუგო, რომ ეს მათი საქმე არ იყო, რის შემდეგად საუბარი გამწვავდა:

"შსს-ს თანამსრომლებმა რატიანი მანქანაში ჩასვეს, რა დროსაც სცემეს კიდეც. მას ფიზიკურად მანქანაშიც გაუსწორდნენ, და პოლიციის განყოფილებაში გადაიყვანეს, თუმცა როგორც რატიანი იხსნებს, გზაში, სანაპიროზე, მოფარებულ ადგილზეც ჩამოსვეს და იქაც სცემეს. ხელებზე და ფეხებზეც ბორკილები დაადეს და ბოლოს საქმის ერთსაათიანი, ტელეფონზე გარკვევის შემდეგ დიღომში, იზოლატორში გადაიყვანეს."

22 დეკემბერს გამოცხადებული საპოლიციო კონტროლი შინაგან საქმეთა სამინისტრომ დღეს, 24 დეკემბერს, დაასრულა. შსს-ს საბოლოო მონაცემებით კონტროლის შედეგად სულ შემოწმდა 52 000-მდე პირი, დაკავებულია - 127.