ევროკავშირის წევრი ქვეყნების ლიდერებმა რუსეთის წინააღმდეგ ეკონომიკური სანქციების ვადა 2018 წლის ივნისამდე გაახანგძლივეს. ინფორმაციას ამის შესახებ ევროპული საბჭოს თავჯდომარე დონალდ ტუსკი ტვიტერის პირად გვერდზე ავრცელებს.

სანქციები ეხება ენერგეტიკის, თავდაცვისა და ფინანსურ სექტორს. საუბარია 2014 წლის 31 ივლისს დაწესებულ სანქციებზე, რომელიც ყირიმის ანექსიასა და დონბასში შეიარაღებული კონფლიქტის დაწყებას მოჰყვა.

ემანუელ მაკრონისა და ანგელა მერკელის 14 დეკემბრის ერთობლივ განცხადებაში ნათქვამია, რომ მინსკის ხელშეკრულების შესრულება წარმოადგენს სანქციების მოხსნის უმთავრეს წინაპირობას. ვინაიდან, რუსეთი არ ასრულებას ხელშეკრულებით ნაკისრ ვალდებულებებს, სანქციების გახანგძლივება ნახევარი წლის ვადით გადაწყდა. სანქციები რუსეთის წინააღმდეგ ბოლოს 2017 წლის ივნისში 2018 წლის იანვრამდე გაახანგრძლივეს და მისი ვადა იწურებოდა.

სანქციების შეეხო უმსხვილეს რუსულ კომპანიებს, რომლის მფლობელიც რუსეთის სახელმწიფოა. გაზპრომი, როსნეფტი, ტრანსნეფტი, სბერბანკი, ვტბ ბანკი, გაზპრომბანკი - ასე გამოიყურება სანქცირებული კომპანიების მცირე ჩამონათვალი. სანქციები შეეხო უკლებლივ ყველა ყირიმულ კომპანიას.

ეკონომიკური სანქციების გარდა, ევროკავშირმა დააწესა პერსონალური სანქციებიც.

რუსეთის წინააღმდეგ მძიმე სანქციები დააწესა აშშ-მაც. აგვისტოში დონალდ ტრამპმა ხელი მოაწერა შემაჯამებელ და გამაერთიანებელ კანონპროექტს რუსეთისთვის დაკისრებული სანქციების შესახებ. აღნიშნული დოკუმენტის მთავარ სიახლეს წარმოადგენდა აშშ-ს პრეზიდენტისთვის სანქციების მოხსნის შესაძლებლობის ჩამორთმევა.

რუსეთისთვის დაკისრებული სანქციების შესახებ გაიგეთ მეტი